РЕСТОРАНИТЕ И ФЛОРАТА
Современиот декор се повеќе му отстапува дел на ѕидот, како подобен елемент со безброј можности за негово уредување. Многу популарните тапети со флорални мотиви, денес може се почесто да се забележат во рестораните и баровите каде одлично се комбинираат со различниот стил на мебел, но во истовреме многу умешно и со вистинските растенија во просторот.
Визуелно компензирајќи го недостатокот на природата во урбаните средини, овие места се вистинска “оаза” каде тешко ќе се воздржите да не направите убави кадри или селфи фотограии со овие раскошни позадини.
Тие се можеби премногу нападни за секојдневниот поглед во домот или работните простории, но затоа се одличен избор за местата каде поминуваме одредено време, уживајќи во храната, пијалоците и секако во амбиентот кој не опкружува.